Surah An-Naba with Urdu Translation

عَمَّ یَتَسَآءَلُوْنَۚ ۝۱

یہ لوگ کس چیز کے بارے میں پوچھ گچھ کر رہے ہیں؟

عَنِ النَّبَاِ الْعَظِیْمِۙ ۝۲

کیا اُس بڑی خبر کے بارے میں

الَّذِیْ هُمْ فِیْهِ مُخْتَلِفُوْنَؕ ۝۳

جس کے متعلق یہ مختلف چہ میگوئیاں کرنے میں لگے ہوئے ہیں؟

كَلَّا سَیَعْلَمُوْنَۙ ۝۴

ہرگز نہیں، عنقریب اِنہیں معلوم ہو جائیگا

ثُمَّ كَلَّا سَیَعْلَمُوْنَ ۝۵

ہاں، ہرگز نہیں، عنقریب اِنہیں معلوم ہو جائے گا

اَلَمْ نَجْعَلِ الْاَرْضَ مِهٰدًاۙ ۝۶

کیا یہ واقعہ نہیں ہے کہ ہم نے زمین کو فرش بنایا

وَّ الْجِبَالَ اَوْتَادًا۪ۙ ۝۷

اور پہاڑوں کو میخوں کی طرح گاڑ دیا

وَّ خَلَقْنٰكُمْ اَزْوَاجًاۙ ۝۸

اور تمہیں (مَردوں اور عورتوں کے) جوڑوں کی شکل میں پیدا کیا

وَّ جَعَلْنَا نَوْمَكُمْ سُبَاتًاۙ ۝۹

اور تمہاری نیند کو باعث سکون بنایا

وَّ جَعَلْنَا الَّیْلَ لِبَاسًاۙ ۝۱۰

اور رات کو پردہ پوش

وَّ جَعَلْنَا النَّهَارَ مَعَاشًا۪ ۝۱۱

اور دن کو معاش کا وقت بنایا

وَّ بَنَیْنَا فَوْقَكُمْ سَبْعًا شِدَادًاۙ ۝۱۲

اور تمہارے اوپر سات مضبوط آسمان قائم کیے

وَّ جَعَلْنَا سِرَاجًا وَّهَّاجًا۪ۙ ۝۱۳

اور ایک نہایت روشن اور گرم چراغ پیدا کیا

وَّ اَنْزَلْنَا مِنَ الْمُعْصِرٰتِ مَآءً ثَجَّاجًاۙ ۝۱۴

اور بادلوں سے لگاتار بارش برسائی

لِّنُخْرِجَ بِهٖ حَبًّا وَّ نَبَاتًاۙ ۝۱۵

تاکہ اس کے ذریعہ سے غلہ اور سبزی

وَّ جَنّٰتٍ اَلْفَافًاؕ ۝۱۶

اور گھنے باغ اگائیں؟

اِنَّ یَوْمَ الْفَصْلِ كَانَ مِیْقَاتًاۙ ۝۱۷

بے شک فیصلے کا دن ایک مقرر وقت ہے

یَّوْمَ یُنْفَخُ فِی الصُّوْرِ فَتَاْتُوْنَ اَفْوَاجًاۙ ۝۱۸

جس روز صور میں پھونک مار دی جائے گی، تم فوج در فوج نکل آؤ گے

وَّ فُتِحَتِ السَّمَآءُ فَكَانَتْ اَبْوَابًاۙ ۝۱۹

اور آسمان کھول دیا جائے گا حتیٰ کہ وہ دروازے ہی دروازے بن کر رہ جائے گا

وَّ سُیِّرَتِ الْجِبَالُ فَكَانَتْ سَرَابًاؕ ۝۲۰

اور پہاڑ چلائے جائیں گے یہاں تک کہ وہ سراب ہو جائیں گے

اِنَّ جَهَنَّمَ كَانَتْ مِرْصَادًا۪ۙ ۝۲۱

درحقیقت جہنم ایک گھات ہے

لِّلطَّاغِیْنَ مَاٰبًاۙ ۝۲۲

سرکشوں کا ٹھکانا

لّٰبِثِیْنَ فِیْهَاۤ اَحْقَابًاۚ ۝۲۳

جس میں وہ مدتوں پڑے رہیں گے

لَا یَذُوْقُوْنَ فِیْهَا بَرْدًا وَّ لَا شَرَابًاۙ ۝۲۴

اُس کے اندر کسی ٹھنڈک اور پینے کے قابل کسی چیز کا مزہ وہ نہ چکھیں گے

اِلَّا حَمِیْمًا وَّ غَسَّاقًاۙ ۝۲۵

کچھ ملے گا تو بس گرم پانی اور زخموں کا دھوون

جَزَآءً وِّفَاقًاؕ ۝۲۶

(اُن کے کرتوتوں) کا بھرپور بدلہ

اِنَّهُمْ كَانُوْا لَا یَرْجُوْنَ حِسَابًاۙ ۝۲۷

وہ کسی حساب کی توقع نہ رکھتے تھے

وَّ كَذَّبُوْا بِاٰیٰتِنَا كِذَّابًاؕ ۝۲۸

اور ہماری آیات کو انہوں نے بالکل جھٹلا دیا تھا

وَ كُلَّ شَیْءٍ اَحْصَیْنٰهُ كِتٰبًاۙ ۝۲۹

اور حال یہ تھا کہ ہم نے ہر چیز گن گن کر لکھ رکھی تھی

فَذُوْقُوْا فَلَنْ نَّزِیْدَكُمْ اِلَّا عَذَابًا۠ ۝۳۰

اب چکھو مزہ، ہم تمہارے لیے عذاب کے سوا کسی چیز میں ہرگز اضافہ نہ کریں گے

اِنَّ لِلْمُتَّقِیْنَ مَفَازًاۙ ۝۳۱

یقیناً متقیوں کے لیے کامرانی کا ایک مقام ہے

حَدَآئِقَ وَ اَعْنَابًاۙ ۝۳۲

باغ اور انگور

وَّ كَوَاعِبَ اَتْرَابًاۙ ۝۳۳

اور نوخیر ہم سن لڑکیاں

وَّ كَاْسًا دِهَاقًاؕ ۝۳۴

اور چھلکتے ہوئے جام

لَا یَسْمَعُوْنَ فِیْهَا لَغْوًا وَّ لَا كِذّٰبًاۚ ۝۳۵

وہاں کوئی لغو اور جھوٹی بات وہ نہ سنیں گے

جَزَآءً مِّنْ رَّبِّكَ عَطَآءً حِسَابًاۙ ۝۳۶

جزا اور کافی انعام تمہارے رب کی طرف سے

رَّبِّ السَّمٰوٰتِ وَ الْاَرْضِ وَ مَا بَیْنَهُمَا الرَّحْمٰنِ لَا یَمْلِكُوْنَ مِنْهُ خِطَابًاۚ ۝۳۷

اُس نہایت مہربان خدا کی طرف سے جو زمین اور آسمانوں کا اور ان کے درمیان کی ہر چیز کا مالک ہے جس کے سامنے کسی کو بولنے کا یارا نہیں

یَوْمَ یَقُوْمُ الرُّوْحُ وَ الْمَلٰٓئِكَةُ صَفًّا١ۙۗؕ لَّا یَتَكَلَّمُوْنَ اِلَّا مَنْ اَذِنَ لَهُ الرَّحْمٰنُ وَ قَالَ صَوَابًا ۝۳۸

جس روز روح اور ملائکہ صف بستہ کھڑے ہونگے، کوئی نہ بولے گا سوائے اُس کے جسے رحمٰن اجازت دے اور جو ٹھیک بات کہے

ذٰلِكَ الْیَوْمُ الْحَقُّ١ۚ فَمَنْ شَآءَ اتَّخَذَ اِلٰى رَبِّهٖ مَاٰبًا ۝۳۹

وہ دن برحق ہے، اب جس کا جی چاہے اپنے رب کی طرف پلٹنے کا راستہ اختیار کر لے

اِنَّاۤ اَنْذَرْنٰكُمْ عَذَابًا قَرِیْبًا١ۖۚ۬ یَّوْمَ یَنْظُرُ الْمَرْءُ مَا قَدَّمَتْ یَدٰهُ وَ یَقُوْلُ الْكٰفِرُ یٰلَیْتَنِیْ كُنْتُ تُرٰبًا۠ ۝۴۰

ہم نے تم لوگوں کو اُس عذاب سے ڈرا دیا ہے جو قریب آ لگا ہے جس روز آدمی وہ سب کچھ دیکھ لے گا جو اس کے ہاتھوں نے آگے بھیجا ہے، اور کافر پکار اٹھے گا کہ کاش میں خاک ہوتا