Surah Al-Ma"aarij with Urdu Translation

سَاَلَ سَآئِلٌۢ بِعَذَابٍ وَّاقِعٍۙ ۝۱

مانگنے والے نے عذاب مانگا ہے، (وہ عذاب) جو ضرور واقع ہونے والا ہے

لِّلْكٰفِرِیْنَ لَیْسَ لَهٗ دَافِعٌۙ ۝۲

کافروں کے لیے ہے، کوئی اُسے دفع کرنے والا نہیں

مِّنَ اللّٰهِ ذِی الْمَعَارِجِؕ ۝۳

اُس خدا کی طرف سے ہے جو عروج کے زینوں کا مالک ہے

تَعْرُجُ الْمَلٰٓئِكَةُ وَ الرُّوْحُ اِلَیْهِ فِیْ یَوْمٍ كَانَ مِقْدَارُهٗ خَمْسِیْنَ اَلْفَ سَنَةٍۚ ۝۴

ملائکہ اور روح اُس کے حضور چڑھ کر جاتے ہیں ایک ایسے دن میں جس کی مقدار پچاس ہزار سال ہے

فَاصْبِرْ صَبْرًا جَمِیْلًا ۝۵

پس اے نبیؐ، صبر کرو، شائستہ صبر

اِنَّهُمْ یَرَوْنَهٗ بَعِیْدًاۙ ۝۶

یہ لوگ اُسے دور سمجھتے ہیں

وَّ نَرٰىهُ قَرِیْبًاؕ ۝۷

اور ہم اسے قریب دیکھ رہے ہیں

یَوْمَ تَكُوْنُ السَّمَآءُ كَالْمُهْلِۙ ۝۸

(وہ عذاب اُس روز ہوگا) جس روز آسمان پگھلی ہوئی چاندی کی طرح ہو جائے گا

وَ تَكُوْنُ الْجِبَالُ كَالْعِهْنِۙ ۝۹

اور پہاڑ رنگ برنگ کے دھنکے ہوئے اون جیسے ہو جائیں گے

وَ لَا یَسْئَلُ حَمِیْمٌ حَمِیْمًاۚۖ ۝۱۰

اور کوئی جگری دوست اپنے جگری دوست کو نہ پوچھے گا

یُّبَصَّرُوْنَهُمْ١ؕ یَوَدُّ الْمُجْرِمُ لَوْ یَفْتَدِیْ مِنْ عَذَابِ یَوْمِئِذٍۭ بِبَنِیْهِۙ ۝۱۱

حالانکہ وہ ایک دوسرے کو دکھائے جائیں گے مجرم چاہے گا کہ اس دن کے عذاب سے بچنے کے لیے اپنی اولاد کو

وَ صَاحِبَتِهٖ وَ اَخِیْهِۙ ۝۱۲

اپنی بیوی کو، اپنے بھائی کو

وَ فَصِیْلَتِهِ الَّتِیْ تُئْوِیْهِۙ ۝۱۳

اپنے قریب ترین خاندان کو جو اسے پناہ دینے والا تھا

وَ مَنْ فِی الْاَرْضِ جَمِیْعًا١ۙ ثُمَّ یُنْجِیْهِۙ ۝۱۴

اور روئے زمین کے سب لوگوں کو فدیہ میں دیدے اور یہ تدبیر اُسے نجات دلا دے

كَلَّا١ؕ اِنَّهَا لَظٰىۙ ۝۱۵

ہرگز نہیں وہ تو بھڑکتی ہوئی آگ کی لپٹ ہوگی

نَزَّاعَةً لِّلشَّوٰىۚۖ ۝۱۶

جو گوشت پوست کو چاٹ جائے گی

تَدْعُوْا مَنْ اَدْبَرَ وَ تَوَلّٰىۙ ۝۱۷

پکار پکار کر اپنی طرف بلائے گی ہر اُس شخص کو جس نے حق سے منہ موڑا اور پیٹھ پھیری

وَ جَمَعَ فَاَوْعٰى ۝۱۸

اور مال جمع کیا اور سینت سینت کر رکھا

اِنَّ الْاِنْسَانَ خُلِقَ هَلُوْعًاۙ ۝۱۹

انسان تھڑدلا پیدا کیا گیا ہے

اِذَا مَسَّهُ الشَّرُّ جَزُوْعًاۙ ۝۲۰

جب اس پر مصیبت آتی ہے تو گھبرا اٹھتا ہے

وَّ اِذَا مَسَّهُ الْخَیْرُ مَنُوْعًاۙ ۝۲۱

اور جب اسے خوشحالی نصیب ہوتی ہے تو بخل کرنے لگتا ہے

اِلَّا الْمُصَلِّیْنَۙ ۝۲۲

مگر وہ لوگ (اِس عیب سے بچے ہوئے ہیں) جو نماز پڑھنے والے ہیں

الَّذِیْنَ هُمْ عَلٰى صَلَاتِهِمْ دَآئِمُوْنَ۪ۙ ۝۲۳

جو اپنی نماز کی ہمیشہ پابندی کرتے ہیں

وَ الَّذِیْنَ فِیْۤ اَمْوَالِهِمْ حَقٌّ مَّعْلُوْمٌ۪ۙ ۝۲۴

جن کے مالوں میں،

لِّلسَّآئِلِ وَ الْمَحْرُوْمِ۪ۙ ۝۲۵

سائل اور محروم کا ایک حق مقرر ہے

وَ الَّذِیْنَ یُصَدِّقُوْنَ بِیَوْمِ الدِّیْنِ۪ۙ ۝۲۶

جو روز جزا کو برحق مانتے ہیں

وَ الَّذِیْنَ هُمْ مِّنْ عَذَابِ رَبِّهِمْ مُّشْفِقُوْنَۚ ۝۲۷

جو اپنے رب کے عذاب سے ڈرتے ہیں

اِنَّ عَذَابَ رَبِّهِمْ غَیْرُ مَاْمُوْنٍ ۝۲۸

کیونکہ اُن کے رب کا عذاب ایسی چیز نہیں ہے جس سے کوئی بے خوف ہو

وَ الَّذِیْنَ هُمْ لِفُرُوْجِهِمْ حٰفِظُوْنَۙ ۝۲۹

جو اپنی شرمگاہوں کی حفاظت کرتے ہیں

اِلَّا عَلٰۤى اَزْوَاجِهِمْ اَوْ مَا مَلَكَتْ اَیْمَانُهُمْ فَاِنَّهُمْ غَیْرُ مَلُوْمِیْنَۚ ۝۳۰

بجز اپنی بیویوں یا اپنی مملوکہ عورتوں کے جن سے محفوظ نہ رکھنے میں ان پر کوئی ملامت نہیں

فَمَنِ ابْتَغٰى وَرَآءَ ذٰلِكَ فَاُولٰٓئِكَ هُمُ الْعٰدُوْنَۚ ۝۳۱

البتہ جو اس کے علاوہ کچھ اور چاہیں وہی حد سے تجاوز کرنے والے ہیں

وَ الَّذِیْنَ هُمْ لِاَمٰنٰتِهِمْ وَ عَهْدِهِمْ رٰعُوْنَ۪ۙ ۝۳۲

جو اپنی امانتوں کی حفاظت اور اپنے عہد کا پاس کرتے ہیں

وَ الَّذِیْنَ هُمْ بِشَهٰدٰتِهِمْ قَآئِمُوْنَ۪ۙ ۝۳۳

جو اپنی گواہیوں میں راست بازی پر قائم رہتے ہیں

وَ الَّذِیْنَ هُمْ عَلٰى صَلَاتِهِمْ یُحَافِظُوْنَؕ ۝۳۴

اور جو اپنی نماز کی حفاظت کرتے ہیں

اُولٰٓئِكَ فِیْ جَنّٰتٍ مُّكْرَمُوْنَ٢ؕ۠ ۝۳۵

یہ لوگ عزت کے ساتھ جنت کے باغوں میں رہیں گے

فَمَالِ الَّذِیْنَ كَفَرُوْا قِبَلَكَ مُهْطِعِیْنَۙ ۝۳۶

پس اے نبیؐ، کیا بات ہے کہ یہ منکرین دائیں اور بائیں سے،

عَنِ الْیَمِیْنِ وَ عَنِ الشِّمَالِ عِزِیْنَ ۝۳۷

گروہ در گروہ تمہاری طرف دوڑے چلے آ رہے ہیں؟

اَیَطْمَعُ كُلُّ امْرِئٍ مِّنْهُمْ اَنْ یُّدْخَلَ جَنَّةَ نَعِیْمٍۙ ۝۳۸

کیا اِن میں سے ہر ایک یہ لالچ رکھتا ہے کہ وہ نعمت بھری جنت میں داخل کر دیا جائے گا؟

كَلَّا١ؕ اِنَّا خَلَقْنٰهُمْ مِّمَّا یَعْلَمُوْنَ ۝۳۹

ہرگز نہیں ہم نے جس چیز سے اِن کو پیدا کیا ہے اُسے یہ خود جانتے ہیں

فَلَاۤ اُقْسِمُ بِرَبِّ الْمَشٰرِقِ وَ الْمَغٰرِبِ اِنَّا لَقٰدِرُوْنَۙ ۝۴۰

پس نہیں، میں قسم کھاتا ہوں مشرقوں اور مغربوں کے مالک کی، ہم اِس پر قادر ہیں

عَلٰۤى اَنْ نُّبَدِّلَ خَیْرًا مِّنْهُمْ١ۙ وَ مَا نَحْنُ بِمَسْبُوْقِیْنَ ۝۴۱

کہ اِن کی جگہ اِن سے بہتر لوگ لے آئیں اور کوئی ہم سے بازی لے جانے والا نہیں ہے

فَذَرْهُمْ یَخُوْضُوْا وَ یَلْعَبُوْا حَتّٰى یُلٰقُوْا یَوْمَهُمُ الَّذِیْ یُوْعَدُوْنَۙ ۝۴۲

لہٰذا اِنہیں اپنی بیہودہ باتوں اور اپنے کھیل میں پڑا رہنے دو یہاں تک کہ یہ اپنے اُس دن تک پہنچ جائیں جس کا ان سے وعدہ کیا جا رہا ہے

یَوْمَ یَخْرُجُوْنَ مِنَ الْاَجْدَاثِ سِرَاعًا كَاَنَّهُمْ اِلٰى نُصُبٍ یُّوْفِضُوْنَۙ ۝۴۳

جب یہ اپنی قبروں سے نکل کر اِس طرح دوڑے جا رہے ہوں گے جیسے اپنے بتوں کے استھانوں کی طرف دوڑ رہے ہوں

خَاشِعَةً اَبْصَارُهُمْ تَرْهَقُهُمْ ذِلَّةٌ١ؕ ذٰلِكَ الْیَوْمُ الَّذِیْ كَانُوْا یُوْعَدُوْنَ۠ ۝۴۴

اِن کی نگاہیں جھکی ہوئی ہوں گی، ذلت اِن پر چھا رہی ہوگی وہ دن ہے جس کا اِن سے وعدہ کیا جا رہا ہے