Quran Parah 29 with Urdu Translation — Page 7

اِنَّ لَكَ فِی النَّهَارِ سَبْحًا طَوِیْلًاؕ ۝۷

دن کے اوقات میں تو تمہارے لیے بہت مصروفیات ہیں

وَ اذْكُرِ اسْمَ رَبِّكَ وَ تَبَتَّلْ اِلَیْهِ تَبْتِیْلًاؕ ۝۸

اپنے رب کے نام کا ذکر کیا کرو اور سب سے کٹ کر اسی کے ہو رہو

رَبُّ الْمَشْرِقِ وَ الْمَغْرِبِ لَاۤ اِلٰهَ اِلَّا هُوَ فَاتَّخِذْهُ وَكِیْلًا ۝۹

وہ مشرق و مغرب کا مالک ہے، اُس کے سوا کوئی خدا نہیں ہے، لہٰذا اُسی کو اپنا وکیل بنا لو

وَ اصْبِرْ عَلٰى مَا یَقُوْلُوْنَ وَ اهْجُرْهُمْ هَجْرًا جَمِیْلًا ۝۱۰

اور جو باتیں لوگ بنا رہے ہیں ان پر صبر کرو اور شرافت کے ساتھ اُن سے الگ ہو جاؤ

وَ ذَرْنِیْ وَ الْمُكَذِّبِیْنَ اُولِی النَّعْمَةِ وَ مَهِّلْهُمْ قَلِیْلًا ۝۱۱

اِن جھٹلانے والے خوشحال لوگوں سے نمٹنے کا کام تم مجھ پر چھوڑ دو اور اِنہیں ذرا کچھ دیر اِسی حالت پر رہنے دو

اِنَّ لَدَیْنَاۤ اَنْكَالًا وَّ جَحِیْمًاۙ ۝۱۲

ہمارے پاس (ان کے لیے) بھاری بیڑیاں ہیں اور بھڑکتی ہوئی آگ

وَّ طَعَامًا ذَا غُصَّةٍ وَّ عَذَابًا اَلِیْمًاۗ ۝۱۳

اور حلق میں پھنسنے والا کھانا اور دردناک عذاب

یَوْمَ تَرْجُفُ الْاَرْضُ وَ الْجِبَالُ وَ كَانَتِ الْجِبَالُ كَثِیْبًا مَّهِیْلًا ۝۱۴

یہ اُس دن ہوگا جب زمین اور پہاڑ لرز اٹھیں گے اور پہاڑوں کا حال ایسا ہو جائے گا جیسے ریت کے ڈھیر ہیں جو بکھرے جا رہے ہیں

اِنَّاۤ اَرْسَلْنَاۤ اِلَیْكُمْ رَسُوْلًا١ۙ۬ شَاهِدًا عَلَیْكُمْ كَمَاۤ اَرْسَلْنَاۤ اِلٰى فِرْعَوْنَ رَسُوْلًاؕ ۝۱۵

تم لوگوں کے پاس ہم نے اُسی طرح ایک رسول تم پر گواہ بنا کر بھیجا ہے جس طرح ہم نے فرعون کی طرف ایک رسول بھیجا تھا

فَعَصٰى فِرْعَوْنُ الرَّسُوْلَ فَاَخَذْنٰهُ اَخْذًا وَّبِیْلًا ۝۱۶

(پھر دیکھ لو کہ جب) فرعون نے اُس رسول کی بات نہ مانی تو ہم نے اس کو بڑی سختی کے ساتھ پکڑ لیا

فَكَیْفَ تَتَّقُوْنَ اِنْ كَفَرْتُمْ یَوْمًا یَّجْعَلُ الْوِلْدَانَ شِیْبَاۗۖ ۝۱۷

اگر تم ماننے سے انکار کرو گے تو اُس دن کیسے بچ جاؤ گے جو بچوں کو بوڑھا کر دے گا

اِ۟لسَّمَآءُ مُنْفَطِرٌۢ بِهٖ١ؕ كَانَ وَعْدُهٗ مَفْعُوْلًا ۝۱۸

اور جس کی سختی سے آسمان پھٹا جا رہا ہوگا؟ اللہ کا وعدہ تو پورا ہو کر ہی رہنا ہے

اِنَّ هٰذِهٖ تَذْكِرَةٌ١ۚ فَمَنْ شَآءَ اتَّخَذَ اِلٰى رَبِّهٖ سَبِیْلًا۠ ۝۱۹

یہ ایک نصیحت ہے، اب جس کا جی چاہے اپنے رب کی طرف جانے کا راستہ اختیار کر لے

اِنَّ رَبَّكَ یَعْلَمُ اَنَّكَ تَقُوْمُ اَدْنٰى مِنْ ثُلُثَیِ الَّیْلِ وَ نِصْفَهٗ وَ ثُلُثَهٗ وَ طَآئِفَةٌ مِّنَ الَّذِیْنَ مَعَكَ١ؕ وَ اللّٰهُ یُقَدِّرُ الَّیْلَ وَ النَّهَارَ١ؕ عَلِمَ اَنْ لَّنْ تُحْصُوْهُ فَتَابَ عَلَیْكُمْ فَاقْرَءُوْا مَا تَیَسَّرَ مِنَ الْقُرْاٰنِ١ؕ عَلِمَ اَنْ سَیَكُوْنُ مِنْكُمْ مَّرْضٰى١ۙ وَ اٰخَرُوْنَ یَضْرِبُوْنَ فِی الْاَرْضِ یَبْتَغُوْنَ مِنْ فَضْلِ اللّٰهِ١ۙ وَ اٰخَرُوْنَ یُقَاتِلُوْنَ فِیْ سَبِیْلِ اللّٰهِ١ۖ٘ فَاقْرَءُوْا مَا تَیَسَّرَ مِنْهُ١ۙ وَ اَقِیْمُوا الصَّلٰوةَ وَ اٰتُوا الزَّكٰوةَ وَ اَقْرِضُوا اللّٰهَ قَرْضًا حَسَنًا١ؕ وَ مَا تُقَدِّمُوْا لِاَنْفُسِكُمْ مِّنْ خَیْرٍ تَجِدُوْهُ عِنْدَ اللّٰهِ هُوَ خَیْرًا وَّ اَعْظَمَ اَجْرًا١ؕ وَ اسْتَغْفِرُوا اللّٰهَ١ؕ اِنَّ اللّٰهَ غَفُوْرٌ رَّحِیْمٌ۠ ۝۲۰

اے نبیؐ، تمہارا رب جانتا ہے کہ تم کبھی دو تہائی رات کے قریب اور کبھی آدھی رات اور کبھی ایک تہائی رات عبادت میں کھڑے رہتے ہو، اور تمہارے ساتھیوں میں سے بھی ایک گروہ یہ عمل کرتا ہے اللہ ہی رات اور دن کے اوقات کا حساب رکھتا ہے، اُسے معلوم ہے کہ تم لوگ اوقات کا ٹھیک شمار نہیں کر سکتے، لہٰذا اس نے تم پر مہربانی فرمائی، اب جتنا قرآن آسانی سے پڑھ سکتے ہو پڑھ لیا کرو اُسے معلوم ہے کہ تم میں کچھ مریض ہونگے، کچھ دوسرے لوگ اللہ کے فضل کی تلاش میں سفر کرتے ہیں، اور کچھ اور لوگ اللہ کی راہ میں جنگ کرتے ہیں پس جتنا قرآن بآسانی پڑھا جا سکے پڑھ لیا کرو، نماز قائم کرو، زکوٰۃ دو اور اللہ کو اچھا قرض دیتے رہو جو کچھ بھلائی تم اپنے لیے آگے بھیجو گے اسے اللہ کے ہاں موجود پاؤ گے، وہی زیادہ بہتر ہے اور اس کا اجر بہت بڑا ہے اللہ سے مغفرت مانگتے رہو، بے شک اللہ بڑا غفور و رحیم ہے

یٰۤاَیُّهَا الْمُدَّثِّرُۙ ۝۱

اے اوڑھ لپیٹ کر لیٹنے والے

قُمْ فَاَنْذِرْ۪ۙ ۝۲

اٹھو اور خبردار کرو

وَ رَبَّكَ فَكَبِّرْ۪ۙ ۝۳

اور اپنے رب کی بڑائی کا اعلان کرو

وَ ثِیَابَكَ فَطَهِّرْ۪ۙ ۝۴

اور اپنے کپڑے پاک رکھو

وَ الرُّجْزَ فَاهْجُرْ۪ۙ ۝۵

اور گندگی سے دور رہو

وَ لَا تَمْنُنْ تَسْتَكْثِرُ۪ۙ ۝۶

اور احسان نہ کرو زیادہ حاصل کرنے کے لیے

وَ لِرَبِّكَ فَاصْبِرْؕ ۝۷

اور اپنے رب کی خاطر صبر کرو

فَاِذَا نُقِرَ فِی النَّاقُوْرِۙ ۝۸

اچھا، جب صور میں پھونک ماری جائے گی

فَذٰلِكَ یَوْمَئِذٍ یَّوْمٌ عَسِیْرٌۙ ۝۹

وہ دن بڑا ہی سخت دن ہوگا

عَلَى الْكٰفِرِیْنَ غَیْرُ یَسِیْرٍ ۝۱۰

کافروں کے لیے ہلکا نہ ہوگا

ذَرْنِیْ وَ مَنْ خَلَقْتُ وَحِیْدًاۙ ۝۱۱

چھوڑ دو مجھے اور اُس شخص کو جسے میں نے اکیلا پیدا کیا ہے

وَّ جَعَلْتُ لَهٗ مَالًا مَّمْدُوْدًاۙ ۝۱۲

بہت سا مال اُس کو دیا

وَّ بَنِیْنَ شُهُوْدًاۙ ۝۱۳

اس کے ساتھ حاضر رہنے والے بیٹے دیے

وَّ مَهَّدْتُّ لَهٗ تَمْهِیْدًاۙ ۝۱۴

اور اس کے لیے ریاست کی راہ ہموار کی

ثُمَّ یَطْمَعُ اَنْ اَزِیْدَۗۙ ۝۱۵

پھر وہ طمع رکھتا ہے کہ میں اسے اور زیادہ دوں

كَلَّا١ؕ اِنَّهٗ كَانَ لِاٰیٰتِنَا عَنِیْدًاؕ ۝۱۶

ہرگز نہیں، وہ ہماری آیات سے عناد رکھتا ہے

سَاُرْهِقُهٗ صَعُوْدًاؕ ۝۱۷

میں تو اسے عنقریب ایک کٹھن چڑھائی چڑھواؤں گا

اِنَّهٗ فَكَّرَ وَ قَدَّرَۙ ۝۱۸

اس نے سوچا اور کچھ بات بنانے کی کوشش کی

فَقُتِلَ كَیْفَ قَدَّرَۙ ۝۱۹

تو خدا کی مار اس پر، کیسی بات بنانے کی کوشش کی

ثُمَّ قُتِلَ كَیْفَ قَدَّرَۙ ۝۲۰

ہاں، خدا کی مار اُس پر، کیسی بات بنانے کی کوشش کی

ثُمَّ نَظَرَۙ ۝۲۱

پھر (لوگوں کی طرف) دیکھا

ثُمَّ عَبَسَ وَ بَسَرَۙ ۝۲۲

پھر پیشانی سیکڑی اور منہ بنایا

ثُمَّ اَدْبَرَ وَ اسْتَكْبَرَۙ ۝۲۳

پھر پلٹا اور تکبر میں پڑ گیا

فَقَالَ اِنْ هٰذَاۤ اِلَّا سِحْرٌ یُّؤْثَرُۙ ۝۲۴

آخرکار بولا کہ یہ کچھ نہیں ہے مگر ایک جادو جو پہلے سے چلا آ رہا ہے

اِنْ هٰذَاۤ اِلَّا قَوْلُ الْبَشَرِؕ ۝۲۵

یہ تو یہ ایک انسانی کلام ہے

سَاُصْلِیْهِ سَقَرَ ۝۲۶

عنقریب میں اسے دوزخ میں جھونک دوں گا