Surah Al-Waaqia with Urdu Translation

اِذَا وَقَعَتِ الْوَاقِعَةُۙ ۝۱

جب وہ ہونے والا واقعہ پیش آ جائے گا

لَیْسَ لِوَقْعَتِهَا كَاذِبَةٌۘ ۝۲

تو کوئی اس کے وقوع کو جھٹلانے والا نہ ہوگا

خَافِضَةٌ رَّافِعَةٌۙ ۝۳

وہ تہ و بالا کر دینے والی آفت ہوگی

اِذَا رُجَّتِ الْاَرْضُ رَجًّاۙ ۝۴

زمین اس وقت یکبارگی ہلا ڈالی جائے گی

وَّ بُسَّتِ الْجِبَالُ بَسًّاۙ ۝۵

اور پہاڑ اس طرح ریزہ ریزہ کر دیے جائیں گے

فَكَانَتْ هَبَآءً مُّنْۢبَثًّاۙ ۝۶

کہ پراگندہ غبار بن کر رہ جائیں گے

وَّ كُنْتُمْ اَزْوَاجًا ثَلٰثَةًؕ ۝۷

تم لوگ اُس وقت تین گروہوں میں تقسیم ہو جاؤ گے

فَاَصْحٰبُ الْمَیْمَنَةِ١ۙ۬ مَاۤ اَصْحٰبُ الْمَیْمَنَةِؕ ۝۸

دائیں بازو والے، سو دائیں بازو والوں (کی خوش نصیبی) کا کیا کہنا

وَ اَصْحٰبُ الْمَشْئَمَةِ١ۙ۬ مَاۤ اَصْحٰبُ الْمَشْئَمَةِؕ ۝۹

اور بائیں بازو والے، تو بائیں بازو والوں (کی بد نصیبی کا) کا کیا ٹھکانا

وَ السّٰبِقُوْنَ السّٰبِقُوْنَۚۙ ۝۱۰

اور آگے والے تو پھر آگے وا لے ہی ہیں

اُولٰٓئِكَ الْمُقَرَّبُوْنَۚ ۝۱۱

وہی تو مقرب لوگ ہیں

فِیْ جَنّٰتِ النَّعِیْمِ ۝۱۲

نعمت بھری جنتوں میں رہیں گے

ثُلَّةٌ مِّنَ الْاَوَّلِیْنَۙ ۝۱۳

اگلوں میں سے بہت ہوں گے

وَ قَلِیْلٌ مِّنَ الْاٰخِرِیْنَؕ ۝۱۴

اور پچھلوں میں سے کم

عَلٰى سُرُرٍ مَّوْضُوْنَةٍۙ ۝۱۵

مرصع تختوں پر

مُّتَّكِئِیْنَ عَلَیْهَا مُتَقٰبِلِیْنَ ۝۱۶

تکیے لگا ئے آمنے سامنے بیٹھیں گے

یَطُوْفُ عَلَیْهِمْ وِلْدَانٌ مُّخَلَّدُوْنَۙ ۝۱۷

اُن کی مجلسوں میں ابدی لڑکے شراب چشمہ جاری سے

بِاَكْوَابٍ وَّ اَبَارِیْقَ١ۙ۬ وَ كَاْسٍ مِّنْ مَّعِیْنٍۙ ۝۱۸

لبریز پیالے کنٹر اور ساغر لیے دوڑتے پھرتے ہونگے

لَّا یُصَدَّعُوْنَ عَنْهَا وَ لَا یُنْزِفُوْنَۙ ۝۱۹

جسے پی کر نہ اُن کا سر چکرائے گا نہ ان کی عقل میں فتور آئے گا

وَ فَاكِهَةٍ مِّمَّا یَتَخَیَّرُوْنَۙ ۝۲۰

اور وہ اُن کے سامنے طرح طرح کے لذیذ پھل پیش کریں گے جسے چاہیں چن لیں

وَ لَحْمِ طَیْرٍ مِّمَّا یَشْتَهُوْنَؕ ۝۲۱

اور پرندوں کے گوشت پیش کریں گے کہ جس پرندے کا چاہیں استعمال کریں

وَ حُوْرٌ عِیْنٌۙ ۝۲۲

اور ان کے لیے خوبصورت آنکھوں والی حوریں ہونگی

كَاَمْثَالِ اللُّؤْلُؤِ الْمَكْنُوْنِۚ ۝۲۳

ایسی حسین جیسے چھپا کر رکھے ہوئے موتی

جَزَآءًۢ بِمَا كَانُوْا یَعْمَلُوْنَ ۝۲۴

یہ سب کچھ اُن اعمال کی جزا کے طور پر انہیں ملے گا جو وہ دنیا میں کرتے رہے تھے

لَا یَسْمَعُوْنَ فِیْهَا لَغْوًا وَّ لَا تَاْثِیْمًاۙ ۝۲۵

وہاں وہ کوئی بیہودہ کلام یا گناہ کی بات نہ سنیں گے

اِلَّا قِیْلًا سَلٰمًا سَلٰمًا ۝۲۶

جو بات بھی ہوگی ٹھیک ٹھیک ہوگی

وَ اَصْحٰبُ الْیَمِیْنِ١ۙ۬ مَاۤ اَصْحٰبُ الْیَمِیْنِؕ ۝۲۷

اور دائیں بازو والے، دائیں بازو والوں کی خوش نصیبی کا کیا کہنا

فِیْ سِدْرٍ مَّخْضُوْدٍۙ ۝۲۸

وہ بے خار بیریوں

وَّ طَلْحٍ مَّنْضُوْدٍۙ ۝۲۹

اور تہ بر تہ چڑھے ہوئے کیلوں

وَّ ظِلٍّ مَّمْدُوْدٍۙ ۝۳۰

اور دور تک پھیلی ہوئی چھاؤں

وَّ مَآءٍ مَّسْكُوْبٍۙ ۝۳۱

اور ہر دم رواں پانی

وَّ فَاكِهَةٍ كَثِیْرَةٍۙ ۝۳۲

اور کبھی ختم نہ ہونے والے

لَّا مَقْطُوْعَةٍ وَّ لَا مَمْنُوْعَةٍۙ ۝۳۳

اور بے روک ٹوک ملنے والے بکثرت پھلوں

وَّ فُرُشٍ مَّرْفُوْعَةٍؕ ۝۳۴

اور اونچی نشست گاہوں میں ہوں گے

اِنَّاۤ اَنْشَاْنٰهُنَّ اِنْشَآءًۙ ۝۳۵

ان کی بیویوں کو ہم خاص طور پر نئے سرے سے پیدا کریں گے

فَجَعَلْنٰهُنَّ اَبْكَارًاۙ ۝۳۶

اور انہیں با کرہ بنا دیں گے

عُرُبًا اَتْرَابًاۙ ۝۳۷

اپنے شوہروں کی عاشق اور عمر میں ہم سن

لِّاَصْحٰبِ الْیَمِیْنِ٢ؕ۠ ۝۳۸

یہ کچھ دائیں بازو والوں کے لیے ہے

ثُلَّةٌ مِّنَ الْاَوَّلِیْنَۙ ۝۳۹

وہ اگلوں میں سے بہت ہوں گے

وَ ثُلَّةٌ مِّنَ الْاٰخِرِیْنَؕ ۝۴۰

اور پچھلوں میں سے بھی بہت

وَ اَصْحٰبُ الشِّمَالِ١ۙ۬ مَاۤ اَصْحٰبُ الشِّمَالِؕ ۝۴۱

اور بائیں بازو والے، بائیں بازو والوں کی بد نصیبی کا کیا پوچھنا

فِیْ سَمُوْمٍ وَّ حَمِیْمٍۙ ۝۴۲

وہ لو کی لپٹ اور کھولتے ہوئے پانی

وَّ ظِلٍّ مِّنْ یَّحْمُوْمٍۙ ۝۴۳

اور کالے دھوئیں کے سائے میں ہوں گے

لَّا بَارِدٍ وَّ لَا كَرِیْمٍ ۝۴۴

جو نہ ٹھنڈا ہوگا نہ آرام دہ

اِنَّهُمْ كَانُوْا قَبْلَ ذٰلِكَ مُتْرَفِیْنَۚۖ ۝۴۵

یہ وہ لوگ ہوں گے جو اِس انجام کو پہنچنے سے پہلے خوشحال تھے

وَ كَانُوْا یُصِرُّوْنَ عَلَى الْحِنْثِ الْعَظِیْمِۚ ۝۴۶

اور گناہ عظیم پر اصرار کرتے تھے

وَ كَانُوْا یَقُوْلُوْنَ١ۙ۬ اَئِذَا مِتْنَا وَ كُنَّا تُرَابًا وَّ عِظَامًا ءَاِنَّا لَمَبْعُوْثُوْنَۙ ۝۴۷

کہتے تھے "کیا جب ہم مر کر خاک ہو جائیں گے اور ہڈیوں کا پنجر رہ جائیں گے تو پھر اٹھا کھڑے کیے جائیں گے؟

اَوَ اٰبَآؤُنَا الْاَوَّلُوْنَ ۝۴۸

اور کیا ہمارے وہ باپ دادا بھی اٹھائے جائیں گے جو پہلے گزر چکے ہیں؟"

قُلْ اِنَّ الْاَوَّلِیْنَ وَ الْاٰخِرِیْنَۙ ۝۴۹

اے نبیؐ، اِن لوگوں سے کہو، یقیناً اگلے اور پچھلے سب

لَمَجْمُوْعُوْنَ١ۙ۬ اِلٰى مِیْقَاتِ یَوْمٍ مَّعْلُوْمٍ ۝۵۰

ایک دن ضرور جمع کیے جانے والے ہیں جس کا وقت مقرر کیا جا چکا ہے

ثُمَّ اِنَّكُمْ اَیُّهَا الضَّآلُّوْنَ الْمُكَذِّبُوْنَۙ ۝۵۱

پھر اے گمراہو اور جھٹلانے والو!

لَاٰكِلُوْنَ مِنْ شَجَرٍ مِّنْ زَقُّوْمٍۙ ۝۵۲

تم شجر زقوم کی غذا کھانے والے ہو

فَمَالِئُوْنَ مِنْهَا الْبُطُوْنَۚ ۝۵۳

اُسی سے تم پیٹ بھرو گے

فَشٰرِبُوْنَ عَلَیْهِ مِنَ الْحَمِیْمِۚ ۝۵۴

اور اوپر سے کھولتا ہوا پانی

فَشٰرِبُوْنَ شُرْبَ الْهِیْمِؕ ۝۵۵

تونس لگے ہوئے اونٹ کی طرح پیو گے

هٰذَا نُزُلُهُمْ یَوْمَ الدِّیْنِؕ ۝۵۶

یہ ہے بائیں والوں کی ضیافت کا سامان روز جزا میں

نَحْنُ خَلَقْنٰكُمْ فَلَوْ لَا تُصَدِّقُوْنَ ۝۵۷

ہم نے تمہیں پیدا کیا ہے پھر کیوں تصدیق نہیں کرتے؟

اَفَرَءَیْتُمْ مَّا تُمْنُوْنَؕ ۝۵۸

کبھی تم نے غور کیا، یہ نطفہ جو تم ڈالتے ہو

ءَاَنْتُمْ تَخْلُقُوْنَهٗۤ اَمْ نَحْنُ الْخٰلِقُوْنَ ۝۵۹

اس سے بچہ تم بناتے ہو یا اس کے بنانے والے ہم ہیں؟

نَحْنُ قَدَّرْنَا بَیْنَكُمُ الْمَوْتَ وَ مَا نَحْنُ بِمَسْبُوْقِیْنَۙ ۝۶۰

ہم نے تمہارے درمیان موت کو تقسیم کیا ہے، اور ہم اِس سے عاجز نہیں ہیں

عَلٰۤى اَنْ نُّبَدِّلَ اَمْثَالَكُمْ وَ نُنْشِئَكُمْ فِیْ مَا لَا تَعْلَمُوْنَ ۝۶۱

کہ تمہاری شکلیں بدل دیں اور کسی ایسی شکل میں تمہیں پیدا کر دیں جس کو تم نہیں جانتے

وَ لَقَدْ عَلِمْتُمُ النَّشْاَةَ الْاُوْلٰى فَلَوْ لَا تَذَكَّرُوْنَ ۝۶۲

اپنی پہلی پیدائش کو تو تم جانتے ہو، پھر کیوں سبق نہیں لیتے؟

اَفَرَءَیْتُمْ مَّا تَحْرُثُوْنَؕ ۝۶۳

کبھی تم نے سوچا، یہ بیج جو تم بوتے ہو

ءَاَنْتُمْ تَزْرَعُوْنَهٗۤ اَمْ نَحْنُ الزّٰرِعُوْنَ ۝۶۴

اِن سے کھیتیاں تم اگاتے ہو یا اُن کے اگانے والے ہم ہیں؟

لَوْ نَشَآءُ لَجَعَلْنٰهُ حُطَامًا فَظَلْتُمْ تَفَكَّهُوْنَ ۝۶۵

ہم چاہیں تو ان کھیتیوں کو بھس بنا کر رکھ دیں اور تم طرح طرح کی باتیں بناتے رہ جاؤ

اِنَّا لَمُغْرَمُوْنَۙ ۝۶۶

کہ ہم پر تو الٹی چٹی پڑ گئی

بَلْ نَحْنُ مَحْرُوْمُوْنَ ۝۶۷

بلکہ ہمارے تو نصیب ہی پھوٹے ہوئے ہیں

اَفَرَءَیْتُمُ الْمَآءَ الَّذِیْ تَشْرَبُوْنَؕ ۝۶۸

کبھی تم نے آنکھیں کھول کر دیکھا، یہ پانی جو تم پیتے ہو

ءَاَنْتُمْ اَنْزَلْتُمُوْهُ مِنَ الْمُزْنِ اَمْ نَحْنُ الْمُنْزِلُوْنَ ۝۶۹

اِسے تم نے بادل سے برسایا ہے یا اِس کے برسانے والے ہم ہیں؟

لَوْ نَشَآءُ جَعَلْنٰهُ اُجَاجًا فَلَوْ لَا تَشْكُرُوْنَ ۝۷۰

ہم چاہیں تو اسے سخت کھاری بنا کر رکھ دیں، پھر کیوں تم شکر گزار نہیں ہوتے؟

اَفَرَءَیْتُمُ النَّارَ الَّتِیْ تُوْرُوْنَؕ ۝۷۱

کبھی تم نے خیال کیا، یہ آگ جو تم سلگاتے ہو

ءَاَنْتُمْ اَنْشَاْتُمْ شَجَرَتَهَاۤ اَمْ نَحْنُ الْمُنْشِئُوْنَ ۝۷۲

اِس کا درخت تم نے پیدا کیا ہے، یا اس کے پیدا کرنے والے ہم ہیں؟

نَحْنُ جَعَلْنٰهَا تَذْكِرَةً وَّ مَتَاعًا لِّلْمُقْوِیْنَۚ ۝۷۳

ہم نے اُس کو یاد دہانی کا ذریعہ اور حاجت مندوں کے لیے سامان زیست بنایا ہے

فَسَبِّحْ بِاسْمِ رَبِّكَ الْعَظِیْمِ۠ ۝۷۴

پس اے نبیؐ، اپنے رب عظیم کے نام کی تسبیح کرو

فَلَاۤ اُقْسِمُ بِمَوٰقِعِ النُّجُوْمِۙ ۝۷۵

پس نہیں، میں قسم کھاتا ہوں تاروں کے مواقع کی

وَ اِنَّهٗ لَقَسَمٌ لَّوْ تَعْلَمُوْنَ عَظِیْمٌۙ ۝۷۶

اور اگر تم سمجھو تو یہ بہت بڑی قسم ہے

اِنَّهٗ لَقُرْاٰنٌ كَرِیْمٌۙ ۝۷۷

کہ یہ ایک بلند پایہ قرآن ہے

فِیْ كِتٰبٍ مَّكْنُوْنٍۙ ۝۷۸

ایک محفوظ کتاب میں ثبت

لَّا یَمَسُّهٗۤ اِلَّا الْمُطَهَّرُوْنَؕ ۝۷۹

جسے مطہرین کے سوا کوئی چھو نہیں سکتا

تَنْزِیْلٌ مِّنْ رَّبِّ الْعٰلَمِیْنَ ۝۸۰

یہ رب العالمین کا نازل کردہ ہے

اَفَبِهٰذَا الْحَدِیْثِ اَنْتُمْ مُّدْهِنُوْنَۙ ۝۸۱

پھر کیا اس کلام کے ساتھ تم بے اعتنائی برتتے ہو

وَ تَجْعَلُوْنَ رِزْقَكُمْ اَنَّكُمْ تُكَذِّبُوْنَ ۝۸۲

اور اِس نعمت میں اپنا حصہ تم نے یہ رکھا ہے کہ اِسے جھٹلاتے ہو؟

فَلَوْ لَاۤ اِذَا بَلَغَتِ الْحُلْقُوْمَۙ ۝۸۳

تو جب مرنے والے کی جان حلق تک پہنچ چکی ہوتی ہے

وَ اَنْتُمْ حِیْنَئِذٍ تَنْظُرُوْنَۙ ۝۸۴

اور تم آنکھوں سے دیکھ رہے ہوتے ہو کہ وہ مر رہا ہے،

وَ نَحْنُ اَقْرَبُ اِلَیْهِ مِنْكُمْ وَ لٰكِنْ لَّا تُبْصِرُوْنَ ۝۸۵

اُس وقت تمہاری بہ نسبت ہم اُس کے زیادہ قریب ہوتے ہیں مگر تم کو نظر نہیں آتے

فَلَوْ لَاۤ اِنْ كُنْتُمْ غَیْرَ مَدِیْنِیْنَۙ ۝۸۶

اب اگر تم کسی کے محکوم نہیں ہو اور اپنے اِس خیال میں سچے ہو،

تَرْجِعُوْنَهَاۤ اِنْ كُنْتُمْ صٰدِقِیْنَ ۝۸۷

اُس وقت اُس کی نکلتی ہوئی جان کو واپس کیوں نہیں لے آتے؟

فَاَمَّاۤ اِنْ كَانَ مِنَ الْمُقَرَّبِیْنَۙ ۝۸۸

پھر وہ مرنے والا اگر مقربین میں سے ہو

فَرَوْحٌ وَّ رَیْحَانٌ١ۙ۬ وَّ جَنَّتُ نَعِیْمٍ ۝۸۹

تو اس کے لیے راحت اور عمدہ رزق اور نعمت بھری جنت ہے

وَ اَمَّاۤ اِنْ كَانَ مِنْ اَصْحٰبِ الْیَمِیْنِۙ ۝۹۰

اور اگر وہ اصحاب یمین میں سے ہو

فَسَلٰمٌ لَّكَ مِنْ اَصْحٰبِ الْیَمِیْنِؕ ۝۹۱

تو اس کا استقبال یوں ہوتا ہے کہ سلام ہے تجھے، تو اصحاب الیمین میں سے ہے

وَ اَمَّاۤ اِنْ كَانَ مِنَ الْمُكَذِّبِیْنَ الضَّآلِّیْنَۙ ۝۹۲

اور اگر وہ جھٹلانے والے گمراہ لوگوں میں سے ہو

فَنُزُلٌ مِّنْ حَمِیْمٍۙ ۝۹۳

تو اس کی تواضع کے لیے کھولتا ہوا پانی ہے

وَّ تَصْلِیَةُ جَحِیْمٍ ۝۹۴

اور جہنم میں جھونکا جانا

اِنَّ هٰذَا لَهُوَ حَقُّ الْیَقِیْنِۚ ۝۹۵

یہ سب کچھ قطعی حق ہے

فَسَبِّحْ بِاسْمِ رَبِّكَ الْعَظِیْمِ۠ ۝۹۶

پس اے نبیؐ، اپنے رب عظیم کے نام کی تسبیح کرو